श्री शिव चालीसा

जय गणेश गिरिजा सुवन, मंगल मूल सुजान।कहत अयोध्यादास तुम, देहु अभय वरदान॥

jai ganesh girija suvan, mangal mul sujan|kahat ayodhyadas tum, dehu abhay varadan||

जय गिरिजा पति दीन दयाला।सदा करत सन्तन प्रतिपाला॥

jai girija pati din dayala|sada karat santan pratipala||

भाल चन्द्रमा सोहत नीके।कानन कुण्डल नागफनी के॥

bhal chandrama sohat nike|kanan kundal nagaphani ke||

अंग गौर शिर गंग बहाये।मुण्डमाल तन क्षार लगाये॥

ang gaur shir gang bahaye|mundamal tan kshar lagaye||

वस्त्र खाल बाघम्बर सोहे।छवि को देख नाग मुनि मोहे॥

vastr khal baghambar sohe|chhavi ko dekh nag muni mohe||

मैना मातु की हवे दुलारी।बाम अंग सोहत छवि न्यारी॥

maina matu ki have dulari|bam ang sohat chhavi nyari||

कर त्रिशूल सोहत छवि भारी।करत सदा शत्रुन क्षयकारी॥

kar trishul sohat chhavi bhari|karat sada shatrun kshayakari||

नन्दि गणेश सोहै तहँ कैसे।सागर मध्य कमल हैं जैसे॥

nandi ganesh sohai tahan kaise|sagar madhy kamal hain jaise||

कार्तिक श्याम और गणराऊ।या छवि को कहि जात न काऊ॥

kartik shyam aur ganarau|ya chhavi ko kahi jat n kau||

देवन जबहीं जाय पुकारा।तब ही दुख प्रभु आप निवारा॥

devan jabahin jay pukara|tab hi dukh prabhu aap nivara||

किया उपद्रव तारक भारी।देवन सब मिलि तुमहिं जुहारी॥

kiya upadrav tarak bhari|devan sab mili tumahin juhari||

तुरत षडानन आप पठायउ।लव निमेष महँ मारि गिरायउ॥

turat shadanan aap pathayau|lav nimesh mahan mari girayau||

आप जलंधर असुर संहारा।सुयश तुम्हार विदित संसारा॥

aap jalandhar asur sanhara|suyash tumhar vidit sansara||

त्रिपुरासुर सन युद्ध मचाई।सबहिं कृपा कर लीन बचाई॥

tripurasur san yuddh machai|sabahin krupa kar lin bachai||

किया तपहिं भागीरथ भारी।पुरब प्रतिज्ञा तासु पुरारी॥

kiya tapahin bhagirath bhari|purab pratijna tasu purari||

दानिन महं तुम सम कोउ नाहीं।सेवक स्तुति करत सदाहीं॥

danin mahan tum sam kou nahin|sevak stuti karat sadahin||

वेद माहि महिमा तुम गाई।अकथ अनादि भेद नहिं पाई॥

ved mahi mahima tum gai|akath anadi bhed nahin pai||

प्रकटी उदधि मंथन में ज्वाला।जरत सुरासुर भए विहाला॥

prakati udadhi manthan men jvala|jarat surasur bhae vihala||

कीन्ह दया तहँ करी सहाई।नीलकण्ठ तब नाम कहाई॥

kinh daya tahan kari sahai|nilakanth tab nam kahai||

पूजन रामचन्द्र जब कीन्हा।जीत के लंक विभीषण दीन्हा॥

pujan ramachandr jab kinha|jit ke lank vibhishan dinha||

सहस कमल में हो रहे धारी।कीन्ह परीक्षा तबहिं पुरारी॥

sahas kamal men ho rahe dhari|kinh pariksha tabahin purari||

एक कमल प्रभु राखेउ जोई।कमल नयन पूजन चहं सोई॥

ek kamal prabhu rakheu joi|kamal nayan pujan chahan soi||

कठिन भक्ति देखी प्रभु शंकर।भये प्रसन्न दिए इच्छित वर॥

kathin bhakti dekhi prabhu shankar|bhaye prasann die ichchhit var||

जय जय जय अनन्त अविनाशी।करत कृपा सब के घटवासी॥

jai jai jai anant avinashi|karat krupa sab ke ghatavasi||

दुष्ट सकल नित मोहि सतावै।भ्रमत रहे मोहि चैन न आवै॥

dusht sakal nit mohi satavai|bhramat rahe mohi chain n aavai||

त्राहि त्राहि मैं नाथ पुकारो।यह अवसर मोहि आन उबारो॥

trahi trahi main nath pukaro|yah avasar mohi aan ubaro||

लै त्रिशूल शत्रुन को मारो।संकट से मोहि आन उबारो॥

lai trishul shatrun ko maro|sankat se mohi aan ubaro||

मात-पिता भ्राता सब होई।संकट में पूछत नहिं कोई॥

mata-pita bhrata sab hoi|sankat men puchhat nahin koi||

स्वामी एक है आस तुम्हारी।आय हरहु मम संकट भारी॥

svami ek hai aas tumhari|aay harahu mam sankat bhari||

धन निर्धन को देत सदा हीं।जो कोई जांचे सो फल पाहीं॥

dhan nirdhan ko det sada hin|jo koi janche so phal pahin||

अस्तुति केहि विधि करैं तुम्हारी।क्षमहु नाथ अब चूक हमारी॥

astuti kehi vidhi karain tumhari|kshamahu nath ab chuk hamari||

शंकर हो संकट के नाशन।मंगल कारण विघ्न विनाशन॥

shankar ho sankat ke nashan|mangal karan vighn vinashan||

योगी यति मुनि ध्यान लगावैं।शारद नारद शीश नवावैं॥

yogi yati muni dhyan lagavain|sharad narad shish navavain||

नमो नमो जय नमः शिवाय।सुर ब्रह्मादिक पार न पाय॥

namo namo jai namah shivay|sur brahmadik par n pay||

जो यह पाठ करे मन लाई।ता पर होत है शम्भु सहाई॥

jo yah path kare man lai|ta par hot hai shambhu sahai||

ॠनियां जो कोई हो अधिकारी।पाठ करे सो पावन हारी॥

runiyan jo koi ho adhikari|path kare so pavan hari||

पुत्र होन कर इच्छा जोई।निश्चय शिव प्रसाद तेहि होई॥

putr hon kar ichchha joi|nishchay shiv prasad tehi hoi||

पण्डित त्रयोदशी को लावे।ध्यान पूर्वक होम करावे॥

pandit trayodashi ko lave|dhyan purvak hom karave||

त्रयोदशी व्रत करै हमेशा।ताके तन नहीं रहै कलेशा॥

trayodashi vrat karai hamesha|take tan nahin rahai kalesha||

धूप दीप नैवेद्य चढ़ावे।शंकर सम्मुख पाठ सुनावे॥

dhup dip naivedy chadha़ave|shankar sammukh path sunave||

जन्म जन्म के पाप नसावे।अन्त धाम शिवपुर में पावे॥

janm janm ke pap nasave|ant dham shivapur men pave||

नित्त नेम कर प्रातः ही, पाठ करौ चालीसा।तुम मेरी मनोकामना, पूर्ण करो जगदीश॥मगसर छठि हेमन्त ॠतु, संवत चौसठ जान।अस्तुति चालीसा शिवहि, पूर्ण कीन कल्याण॥

nitt nem kar pratah hi, path karau chalisa|tum meri manokamana, purn karo jagadish||magasar chhathi hemant rutu, sanvat chausath jan|astuti chalisa shivahi, purn kin kalyan||