श्री देवी कवच

ॐ यद्गुह्यं परमं लोके सर्वरक्षाकरं नृणाम्।यन्न कस्यचिदाख्यातं तन्मे ब्रूहि पितामह॥१॥

Om yadguhyan paraman loke sarvarakshakaran nrunam|yann kasyachidakhyatan tanme bruhi pitamah||1||

अस्ति गुह्यतमं विप्र सर्वभूतोपकारकम्।देव्यास्तु कवचं पुण्यं तच्छृणुष्व महामुने॥२॥

asti guhyataman vipr sarvabhutopakarakam|devyastu kavachan punyan tachchhrunushv mahamune||2||

प्रथमं शैलपुत्री च द्वितीयं ब्रह्मचारिणी।तृतीयं चन्द्रघण्टेति कूष्माण्डेति चतुर्थकम्॥३॥

prathaman shailaputri ch dvitiyan brahmacharini|trutiyan chandraghanteti kushmandeti chaturthakam||3||

पञ्चमं स्कन्दमातेति षष्ठं कात्यायनीति च।सप्तमं कालरात्रीति महागौरीति चाष्टमम्॥४॥

panchaman skandamateti shashthan katyayaniti ch|saptaman kalaratriti mahagauriti chashtamam||4||

नवमं सिद्धिदात्री च नवदुर्गाः प्रकीर्तिताः।उक्तान्येतानि नामानि ब्रह्मणैव महात्मना॥५॥

navaman siddhidatri ch navadurgah prakirtitah|uktanyetani namani brahmanaiv mahatmana||5||

अग्निना दह्यमानस्तु शत्रुमध्ये गतो रणे।विषमे दुर्गमे चैव भयार्ताः शरणं गताः॥६॥

agnina dahyamanastu shatrumadhye gato rane|vishame durgame chaiv bhayartah sharanan gatah||6||

न तेषां जायते किञ्चिदशुभं रणसङ्कटे।नापदं तस्य पश्यामि शोकदुःखभयं न हि॥७॥

n teshan jayate kinchidashubhan ranasankate|napadan tasy pashyami shokaduhkhabhayan n hi||7||

यैस्तु भक्त्या स्मृता नूनं तेषां वृद्धिः प्रजायते।ये त्वां स्मरन्ति देवेशि रक्षसे तान्न संशयः॥८॥

yaistu bhaktya smruta nunan teshan vruddhih prajayate|ye tvan smaranti deveshi rakshase tann sanshayah||8||

प्रेतसंस्था तु चामुण्डा वाराही महिषासना।ऐन्द्री गजसमारूढा वैष्णवी गरुडासना॥९॥

pretasanstha tu chamunda varahi mahishasana|aindri gajasamarudha vaishnavi garudasana||9||

माहेश्वरी वृषारूढा कौमारी शिखिवाहना।लक्ष्मीः पद्मासना देवी पद्महस्ता हरिप्रिया॥१०॥

maheshvari vrusharudha kaumari shikhivahana|lakshmih padmasana devi padmahasta haripriya||10||

श्वेतरूपधरा देवी ईश्वरी वृषवाहना।ब्राह्मी हंससमारूढा सर्वाभरणभूषिता॥११॥

shvetarupadhara devi ishvari vrushavahana|brahmi hansasamarudha sarvabharanabhushita||11||

इत्येता मातरः सर्वाः सर्वयोगसमन्विताः।नानाभरणशोभाढ्या नानारत्नोपशोभिताः॥१२॥

ityeta matarah sarvah sarvayogasamanvitah|nanabharanashobhadhya nanaratnopashobhitah||12||

शिखां मे द्योतिनी रक्षेदुमा मूर्ध्नि व्यवस्थिता।मालाधरी ललाटे च भ्रुवौ रक्षेद्यशस्विनी॥१३॥

shikhan me dyotini raksheduma murdhni vyavasthita|maladhari lalate ch bhruvau rakshedyashasvini||13||

नेत्रयोश्चित्रनेत्रा च यमघण्टा तु पार्श्वके।त्रिनेत्रा च त्रिशूलेन भ्रुवोर्मध्ये च चण्डिका॥१४॥

netrayoshchitranetra ch yamaghanta tu parshvake|trinetra ch trishulen bhruvormadhye ch chandika||14||

शङ्खिनी चक्षुषोर्मध्ये श्रोत्रयोर्द्वारवासिनी।कपोलौ कालिका रक्षेत्कर्णमूले तु शाङ्करी॥१५॥

shankhini chakshushormadhye shrotrayordvaravasini|kapolau kalika rakshetkarnamule tu shankari||15||

नासिकायां सुगन्धा च उत्तरोष्ठे च चर्चिका।अधरे चामृतकला जिह्वायां च सरस्वती॥१६॥

nasikayan sugandha ch uttaroshthe ch charchika|adhare chamrutakala jihvayan ch sarasvati||16||

दन्तान् रक्षतु कौमारी कण्ठदेशे तु चण्डिका।घण्टिकां चित्रघण्टा च महामाया च तालुके॥१७॥

dantan rakshatu kaumari kanthadeshe tu chandika|ghantikan chitraghanta ch mahamaya ch taluke||17||

कामाक्षी चिबुकं रक्षेद्वाचं मे सर्वमङ्गला।ग्रीवायां भद्रकाली च पृष्ठवंशे धनुर्धरी॥१८॥

kamakshi chibukan rakshedvachan me sarvamangala|grivayan bhadrakali ch prushthavanshe dhanurdhari||18||

नीलग्रीवा बहिःकण्ठे नलिकां नलकूबरी।स्कन्धयोः खड्गिनी रक्षेद्बाहू मे वज्रधारिणी॥१९॥

nilagriva bahihkanthe nalikan nalakubari|skandhayoh khadgini rakshedbahu me vajradharini||19||

हस्तयोर्दण्डिनी रक्षेदम्बिका चाङ्गुलीषु च।नखाञ्छूलेश्वरी रक्षेत्कुक्षौ रक्षेत्कुलेश्वरी॥२०॥

hastayordandini rakshedambika changulishu ch|nakhanchhuleshvari rakshetkukshau rakshetkuleshvari||20||

स्तनौ रक्षेन्महादेवी मनःशोकविनाशिनी।हृदये ललिता देवी उदरे शूलधारिणी॥२१॥

stanau rakshenmahadevi manahshokavinashini|hrudaye lalita devi udare shuladharini||21||

नाभौ च कामिनी रक्षेद्गुह्यं गुह्येश्वरी तथा।पूतना कामिका मेढ्रं गुदे महिषवाहिनी॥२२॥

nabhau ch kamini rakshedguhyan guhyeshvari tatha|putana kamika medhran gude mahishavahini||22||

कट्यां भगवती रक्षेज्जानुनी विन्ध्यवासिनी।जङ्घे महाबला रक्षेत्सर्वकामप्रदायिनी॥२३॥

katyan bhagavati rakshejjanuni vindhyavasini|janghe mahabala rakshetsarvakamapradayini||23||

गुल्फयोर्नारसिंही च पादपृष्ठे तु तैजसी।पादाङ्गुलीषु श्री रक्षेत्पादाधस्तलवासिनी॥२४॥

gulphayornarasinhi ch padaprushthe tu taijasi|padangulishu shri rakshetpadadhastalavasini||24||

नखान् दंष्ट्रकराली च केशांश्चैवोर्ध्वकेशिनी।रोमकूपेषु कौबेरी त्वचं वागीश्वरी तथा॥२५॥

nakhan danshtrakarali ch keshanshchaivordhvakeshini|romakupeshu kauberi tvachan vagishvari tatha||25||

रक्तमज्जावसामांसान्यस्थिमेदांसि पार्वती।अन्त्राणि कालरात्रिश्च पित्तं च मुकुटेश्वरी॥२६॥

raktamajjavasamansanyasthimedansi parvati|antrani kalaratrishch pittan ch mukuteshvari||26||

पद्मावती पद्मकोशे कफे चूडामणिस्तथा।ज्वालामुखी नखज्वालामभेद्या सर्वसन्धिषु॥२७॥

padmavati padmakoshe kaphe chudamanistatha|jvalamukhi nakhajvalamabhedya sarvasandhishu||27||

शुक्रं ब्रह्माणि मे रक्षेच्छायां छत्रेश्वरी तथा।अहङ्कारं मनो बुद्धिं रक्षेन्मे धर्मधारिणी॥२८॥

shukran brahmani me rakshechchhayan chhatreshvari tatha|ahankaran mano buddhin rakshenme dharmadharini||28||

प्राणापानौ तथा व्यानमुदानं च समानकम्।वज्रहस्ता च मे रक्षेत्प्राणं कल्याणशोभना॥२९॥

pranapanau tatha vyanamudanan ch samanakam|vajrahasta ch me rakshetpranan kalyanashobhana||29||