श्रीरामरक्षास्तोत्रम्

अस्य श्रीरामरक्षास्तोत्रमन्त्रस्य ।बुधकौशिक ऋषिः ।श्रीसीतारामचन्द्रो देवता ।अनुष्टुप् छन्दः ।सीता शक्तिः ।श्रीमान् हनुमान् कीलकम् ।श्रीसीतारामचन्द्रप्रीत्यर्थे रामरक्षास्तोत्रजपे विनियोगः ॥

asya shriramarakshastotramantrasya |budhakaushika rushih |shrisitaramachandro devata |anushtup chhandah |sita shaktih |shriman hanuman kilakam |shrisitaramachandraprityarthe ramarakshastotrajape viniyogah ||

ध्यायेदाजानुबाहुं धृतशरधनुषं बद्धपद्मासनस्थंपीतं वासो वसानं नवकमलदलस्पर्धिनेत्रं प्रसन्नम् ।वामाङ्कारूढसीतामुखकमलमिलल्लोचनं नीरदाभंनानालङ्कारदीप्तं दधतमुरुजटामण्डनं रामचन्द्रम् ॥

dhyayedajanubahum dhrutasharadhanusham baddhapadmasanasthampitam vaso vasanam navakamaladalaspardhinetram prasannam |vamankarudhasitamukhakamalamilallochanam niradabhamnanalankaradiptam dadhatamurujatamandanam ramachandram ||

चरितं रघुनाथस्य शतकोटि प्रविस्तरम् ।एकैकमक्षरं पुंसां महापातकनाशनम् ॥ १॥

charitan raghunathasy shatakotipravistaram|ekaikamaksharan punsan mahapatakanashanam||1||

ध्यात्वा नीलोत्पलश्यामं रामं राजीवलोचनम् ।जानकीलक्ष्मणोपेतं जटामुकुटमण्डितम् ॥ २॥

dhyatva nilotpalashyaman raman rajivalochanam|janakilakshmanopetan jatamukutamanditam||2||

सासितूणधनुर्बाणपाणिं नक्तञ्चरान्तकम् ।स्वलीलया जगत्त्रातुमाविर्भूतमजं विभुम् ॥ ३॥

sasitunadhanurbanapanim naktancharantakam |svalilaya jagattratumavirbhutamajam vibhum ||3||

रामरक्षां पठेत्प्राज्ञः पापघ्नीं सर्वकामदाम् ।शिरो मे राघवः पातु भालं दशरथात्मजः ॥ ४॥

ramarakshan pathetprajnah papaghnin sarvakamadam|shiro me raghavah patu bhalan dasharathatmajah||4||

कौसल्येयो दृशौ पातु विश्वामित्रप्रियः श्रुती ।घ्राणं पातु मखत्राता मुखं सौमित्रिवत्सलः ॥ ५॥

kausalyeyo drushau patu vishvamitrapriyah shruti|ghranan patu makhatrata mukhan saumitrivatsalah||5||

जिह्वां विद्यानिधिः पातु कण्ठं भरतवन्दितः ।स्कन्धौ दिव्यायुधः पातु भुजौ भग्नेशकार्मुकः ॥ ६॥

jihvan vidyanidhih patu kanthan bharatavanditah|skandhau divyayudhah patu bhujau bhagneshakarmukah||6||

करौ सीतापतिः पातु हृदयं जामदग्न्यजित् ।मध्यं पातु खरध्वंसी नाभिं जाम्बवदाश्रयः ॥ ७॥

karau sitapatih patu hrudayan jamadagnyajit|madhyan patu kharadhvansi nabhin jambavadashrayah||7||

सुग्रीवेशः कटी पातु सक्थिनी हनुमत्प्रभुः ।ऊरू रघूत्तमः पातु रक्षःकुलविनाशकृत् ॥ ८॥

sugriveshah kati patu sakthini hanumatprabhuh|uru raghuttamah patu rakshahkulavinashakrut||8||

जानुनी सेतुकृत्पातु जङ्घे दशमुखान्तकः ।पादौ बिभीषणश्रीदः पातु रामोऽखिलं वपुः ॥ ९॥

janunee setukrutpatu janghe dashamukhantakah |padau bibhishanashridah patu ramo’khilam vapuh ||9||

एतां रामबलोपेतां रक्षां यः सुकृती पठेत् ।स चिरायुः सुखी पुत्री विजयी विनयी भवेत् ॥ १०॥

etan ramabalopetan rakshan yah sukruti pathet|s chirayuh sukhi putri vijayi vinayi bhavet||10||

पातालभूतलव्योमचारिणश्छद्मचारिणः ।न द्रष्टुमपि शक्तास्ते रक्षितं रामनामभिः ॥ ११॥

patalabhutalavyomacharinashchhadmacharinah|n drashtumapi shaktaste rakshitan ramanamabhih||11||

रामेति रामभद्रेति रामचन्द्रेति वा स्मरन् ।नरो न लिप्यते पापैः भुक्तिं मुक्तिं च विन्दति ॥ १२॥

rameti ramabhadreti ramachandreti va smaran |naro na lipyate papaih bhuktim muktim cha vindati ||12||

जगज्जैत्रैकमन्त्रेण रामनाम्नाभिरक्षितम् ।यः कण्ठे धारयेत्तस्य करस्थाः सर्वसिद्धयः ॥ १३॥

jagajjaitraikamantren ramanamnabhirakshitam|yah kanthe dharayettasy karasthah sarvasiddhayah||13||

वज्रपञ्जरनामेदं यो रामकवचं स्मरेत् ।अव्याहताज्ञः सर्वत्र लभते जयमङ्गलम् ॥ १४॥

vajrapanjaranamedan yo ramakavachan smaret|avyahatajnah sarvatr labhate jayamangalam||14||

आदिष्टवान् यथा स्वप्ने रामरक्षामिमां हरः ।तथा लिखितवान् प्रातः प्रबुद्धो बुधकौशिकः ॥ १५॥

aadishtavanyatha svapne ramarakshamiman harah|tatha likhitavanpratah prabuddho budhakaushikah||15||

आरामः कल्पवृक्षाणां विरामः सकलापदाम् ।अभिरामस्त्रिलोकानां रामः श्रीमान् स नः प्रभुः ॥ १६॥

aaramah kalpavrukshanan viramah sakalapadam|abhiramastrilokanan ramah shrimans nah prabhuh||16||

तरुणौ रूपसम्पन्नौ सुकुमारौ महाबलौ ।पुण्डरीकविशालाक्षौ चीरकृष्णाजिनाम्बरौ ॥ १७॥

tarunau rupasampannau sukumarau mahabalau|pundarikavishalakshau chirakrushnajinambarau||17||

फलमूलाशिनौ दान्तौ तापसौ ब्रह्मचारिणौ ।पुत्रौ दशरथस्यैतौ भ्रातरौ रामलक्ष्मणौ ॥ १८॥

phalamulashinau dantau tapasau brahmacharinau|putrau dasharathasyaitau bhratarau ramalakshmanau||18||

शरण्यौ सर्वसत्त्वानां श्रेष्ठौ सर्वधनुष्मताम् ।रक्षः कुलनिहन्तारौ त्रायेतां नो रघूत्तमौ ॥ १९॥

sharanyau sarvasattvanan shreshthau sarvadhanushmatam|rakshahkulanihantarau trayetan no raghuttamau||19||

आत्तसज्जधनुषाविषुस्पृशावक्षयाशुगनिषङ्गसङ्गिनौ ।रक्षणाय मम रामलक्ष्मणावग्रतः पथि सदैव गच्छताम् ॥ २०॥

aattasajjadhanushavishusprushavakshayashuganishangasanginau|rakshanay mam ramalakshmanavagratah pathi sadaiv gachchhatam||20||

सन्नद्धः कवची खड्गी चापबाणधरो युवा ।गच्छन्मनोरथोऽस्माकं रामः पातु सलक्ष्मणः ॥ २१॥

sannaddhah kavachi khadgi chapabanadharo yuva|gachchhanmanoratho'smakan ramah patu salakshmanah||21||

रामो दाशरथिः शूरो लक्ष्मणानुचरो बली ।काकुत्स्थः पुरुषः पूर्णः कौसल्येयो रघूत्तमः ॥ २२॥

ramo dasharathih shuro lakshmananucharo bali|kakutsthah purushah purnah kausalyeyo raghuttamah||22||

वेदान्तवेद्यो यज्ञेशः पुराणपुरुषोत्तमः ।जानकीवल्लभः श्रीमान् अप्रमेय पराक्रमः ॥ २३॥

vedantavedyo yajneshah puranapurushottamah |janakivallabhah shriman aprameya parakramah ||23||

इत्येतानि जपन्नित्यं मद्भक्तः श्रद्धयान्वितः ।अश्वमेधाधिकं पुण्यं सम्प्राप्नोति न संशयः ॥ २४॥

ityetani japannityam madbhaktah shraddhayanvitah |ashvamedhadhikam punyam samprapnoti na samshayah ||24||

रामं दूर्वादलश्यामं पद्माक्षं पीतवाससम् ।स्तुवन्ति नामभिर्दिव्यैः न ते संसारिणो नराः ॥ २५॥

ramam durvadalashyamam padmaksham pitavasasam |stuvanti namabhirdivyaih na te samsarino narah ||25||

रामं लक्ष्मणपूर्वजं रघुवरं सीतापतिं सुन्दरम् ।काकुत्स्थं करुणार्णवं गुणनिधिं विप्रप्रियं धार्मिकम् ।राजेन्द्रं सत्यसन्धं दशरथतनयं श्यामलं शान्तमूर्तिम् ।वन्दे लोकाभिरामं रघुकुलतिलकं राघवं रावणारिम् ॥ २६॥

ramam lakshmanapurvajam raghuvaram sitapatim sundaram |kakutstham karunarnavam gunanidhim viprapriyam dharmikam |rajendram satyasandham dasharathatanayam shyamalam shantamurtim |vande lokabhiramam raghukulatilakam raghavam ravanarim ||26||

रामाय रामभद्राय रामचन्द्राय वेधसे ।रघुनाथाय नाथाय सीतायाः पतये नमः ॥ २७॥

ramay ramabhadray ramachandray vedhase|raghunathay nathay sitayah pataye namah||28||

श्रीराम राम रघुनन्दन राम राम ।श्रीराम राम भरताग्रज राम राम ।श्रीराम राम रणकर्कश राम राम ।श्रीराम राम शरणं भव राम राम ॥ २८॥

shriram ram raghunandan ram ram|shriram ram bharatagraj ram ram||shriram ram ranakarkash ram ram|shriram ram sharanan bhav ram ram||29||

श्रीरामचन्द्रचरणौ मनसा स्मरामि ।श्रीरामचन्द्रचरणौ वचसा गृणामि ।श्रीरामचन्द्रचरणौ शिरसा नमामि ।श्रीरामचन्द्रचरणौ शरणं प्रपद्ये ॥ २९॥

shriramachandracharanau manasa smarami|shriramachandracharanau vachasa grunami||shriramachandracharanau shirasa namami|shriramachandracharanau sharanan prapadye||30||

माता रामो मत्पिता रामचन्द्रः ।स्वामी रामो मत्सखा रामचन्द्रः ।सर्वस्वं मे रामचन्द्रो दयालुर्नान्यं जाने नैव जाने न जाने ॥ ३०॥

mata ramo matpita ramachandrah |svami ramo matsakha ramachandrah |sarvasvam me ramachandro dayalurnanyam jane naiva jane na jane ||30||

दक्षिणे लक्ष्मणो यस्य वामे तु जनकात्मजा ।पुरतो मारुतिर्यस्य तं वन्दे रघुनन्दनम् ॥ ३१॥

dakshine lakshmano yasy vame tu janakatmaja|purato marutiryasy tan vande raghunandanam||32||

लोकाभिरामं रणरङ्गधीरं ।राजीवनेत्रं रघुवंशनाथम् ।कारुण्यरूपं करुणाकरं तं ।श्रीरामचन्द्रम् शरणं प्रपद्ये ॥ ३२॥

lokabhiramam ranarangadhiram |rajivanetram raghuvamshanatham |karunyarupam karunakaram tam |shriramachandram sharanam prapadye ||32||

मनोजवं मारुततुल्यवेगं ।जितेन्द्रियं बुद्धिमतां वरिष्ठम् ।वातात्मजं वानरयूथमुख्यं ।श्रीरामदूतं शरणं प्रपद्ये ॥ ३३॥

manojavam maruttulyavegam |jitendriyam buddhimatam varishtham |vatatmajam vanarayuthamukhyam |shriramadutam sharanam prapadye ||33||

कूजन्तं रामरामेति मधुरं मधुराक्षरम् ।आरुह्य कविताशाखां वन्दे वाल्मीकिकोकिलम् ॥ ३४॥

kujantan ramarameti madhuran madhuraksharam|aaruhy kavitashakhan vande valmikikokilam||35||

आपदामपहर्तारं दातारं सर्वसम्पदाम् ।लोकाभिरामं श्रीरामं भूयो भूयो नमाम्यहम् ॥ ३५॥

aapadamapahartaran dataran sarvasampadam|lokabhiraman shriraman bhuyo bhuyo namamyaham||36||

भर्जनं भवबीजानामर्जनं सुखसम्पदाम् ।तर्जनं यमदूतानां रामरामेति गर्जनम् ॥ ३६॥

bharjanan bhavabijanamarjanan sukhasampadam|tarjanan yamadutanan ramarameti garjanam||37||

रामो राजमणिः सदा विजयते रामं रमेशं भजे ।रामेणाभिहता निशाचरचमू रामाय तस्मै नमः ।रामान्नास्ति परायणं परतरं रामस्य दासोऽस्म्यहं ।रामे चित्तलयः सदा भवतु मे भो राम मामुद्धर ॥ ३७॥

ramo rajamanih sada vijayate ramam ramesham bhaje |ramenabhihata nishacharachamu ramaya tasmai namah |ramannasti parayanam parataram ramasya daso’smyaham |rame chittalayah sada bhavatu me bho rama mamuddhara ||37||

रामरामेति रामेति रमे रामे मनोरमे ।सहस्रनामतत्तुल्यं रामनाम वरानने ॥ ३८॥

ramarameti rameti rame rame manorame |sahasranamatattulyam ramanama varanane ||38||