श्री हनुमान चालीसा

श्रीगुरु चरन सरोज रज, निज मनु मुकुरु सुधारि।बरनउँ रघुबर बिमल जसु, जो दायकु फल चारि॥

shriguru charan saroj raj, nij manu mukuru sudhari|baranaun raghubar bimal jasu, jo dayaku phal chari||

बुद्धिहीन तनु जानिके, सुमिरौं पवन-कुमार।बल बुद्धि बिद्या देहु मोहिं, हरहु कलेस बिकार॥

buddhihin tanu janike, sumiraun pavana-kumar|bal buddhi bidya dehu mohin, harahu kales bikar||

जय हनुमान ज्ञान गुन सागर।जय कपीस तिहुँ लोक उजागर॥

jai hanuman jnan gun sagar|jai kapis tihun lok ujagar||

राम दूत अतुलित बल धामा।अंजनि-पुत्र पवनसुत नामा॥

ram dut atulit bal dhama|anjani-putr pavanasut nama||

महाबीर बिक्रम बजरंगी।कुमति निवार सुमति के संगी॥

mahabir bikram bajarangi|kumati nivar sumati ke sangi||

कंचन बरन बिराज सुबेसा।कानन कुंडल कुंचित केसा॥

kanchan baran biraj subesa|kanan kundal kunchit kesa||

हाथ बज्र औ ध्वजा बिराजै।काँधे मूँज जनेऊ साजै॥

hath bajr au dhvaja birajai|kandhe munj janeu sajai||

संकर सुवन केसरीनंदन।तेज प्रताप महा जग बंदन॥

sankar suvan kesarinandan|tej pratap maha jag bandan||

बिद्यावान गुनी अति चातुर।राम काज करिबे को आतुर॥

bidyavan guni ati chatur|ram kaj karibe ko aatur||

प्रभु चरित्र सुनिबे को रसिया।राम लखन सीता मन बसिया॥

prabhu charitr sunibe ko rasiya|ram lakhan sita man basiya||

सूक्ष्म रूप धरि सियहिं दिखावा।बिकट रूप धरि लंक जरावा॥

sukshm rup dhari siyahin dikhava|bikat rup dhari lank jarava||

भीम रूप धरि असुर सँहारे।रामचंद्र के काज सँवारे॥

bhim rup dhari asur sanhare|ramachandr ke kaj sanvare||

लाय सजीवन लखन जियाये।श्रीरघुबीर हरषि उर लाये॥

lay sajivan lakhan jiyaye|shriraghubir harashi ur laye||

रघुपति कीन्ही बहुत बड़ाई।तुम मम प्रिय भरतहि सम भाई॥

raghupati kinhi bahut bada़ai|tum mam priy bharatahi sam bhai||

सहस बदन तुम्हरो जस गावैं।अस कहि श्रीपति कंठ लगावैं॥

sahas badan tumharo jas gavain|as kahi shripati kanth lagavain||

सनकादिक ब्रह्मादि मुनीसा।नारद सारद सहित अहीसा॥

sanakadik brahmadi munisa|narad sarad sahit ahisa||

जम कुबेर दिगपाल जहाँ ते।कबि कोबिद कहि सके कहाँ ते॥

jam kuber digapal jahan te|kabi kobid kahi sake kahan te||

तुम उपकार सुग्रीवहिं कीन्हा।राम मिलाय राज पद दीन्हा॥

tum upakar sugrivahin kinha|ram milay raj pad dinha||

तुम्हरो मंत्र बिभीषन माना।लंकेस्वर भए सब जग जाना॥

tumharo mantr bibhishan mana|lankesvar bhae sab jag jana||

जुग सहस्र जोजन पर भानू।लील्यो ताहि मधुर फल जानू॥

jug sahasr jojan par bhanu|lilyo tahi madhur phal janu||

प्रभु मुद्रिका मेलि मुख माहीं।जलधि लाँघि गये अचरज नाहीं॥

prabhu mudrika meli mukh mahin|jaladhi langhi gaye acharaj nahin||

दुर्गम काज जगत के जेते।सुगम अनुग्रह तुम्हरे तेते॥

durgam kaj jagat ke jete|sugam anugrah tumhare tete||

राम दुआरे तुम रखवारे।होत न आज्ञा बिनु पैसारे॥

ram duaare tum rakhavare|hot n aajna binu paisare||

सब सुख लहै तुम्हारी सरना।तुम रच्छक काहू को डर ना॥

sab sukh lahai tumhari sarana|tum rachchhak kahu ko dar na||

आपन तेज सम्हारो आपै।तीनों लोक हाँक तें काँपै॥

aapan tej samharo aapai|tinon lok hank ten kampai||

भूत पिसाच निकट नहिं आवै।महाबीर जब नाम सुनावै॥

bhut pisach nikat nahin aavai|mahabir jab nam sunavai||

नासै रोग हरै सब पीरा।जपत निरंतर हनुमत बीरा॥

nasai rog harai sab pira|japat nirantar hanumat bira||

संकट तें हनुमान छुड़ावै।मन क्रम बचन ध्यान जो लावै॥

sankat ten hanuman chhuda़avai|man kram bachan dhyan jo lavai||

सब पर राम तपस्वी राजा।तिन के काज सकल तुम साजा॥

sab par ram tapasvi raja|tin ke kaj sakal tum saja||

और मनोरथ जो कोई लावै।सोइ अमित जीवन फल पावै॥

aur manorath jo koi lavai|soi amit jivan phal pavai||

चारों जुग परताप तुम्हारा।है परसिद्ध जगत उजियारा॥

charon jug paratap tumhara|hai parasiddh jagat ujiyara||

साधु संत के तुम रखवारे।असुर निकंदन राम दुलारे॥

sadhu sant ke tum rakhavare|asur nikandan ram dulare||

अष्ट सिद्धि नौ निधि के दाता।अस बर दीन जानकी माता॥

asht siddhi nau nidhi ke data|as bar din janaki mata||

राम रसायन तुम्हरे पासा।सदा रहो रघुपति के दासा॥

ram rasayan tumhare pasa|sada raho raghupati ke dasa||

तुम्हरे भजन राम को पावै।जनम जनम के दुख बिसरावै॥

tumhare bhajan ram ko pavai|janam janam ke dukh bisaravai||

अंत काल रघुबर पुर जाई।जहाँ जन्म हरि-भक्त कहाई॥

ant kal raghubar pur jai|jahan janm hari-bhakt kahai||

और देवता चित्त न धरई।हनुमत सेइ सर्ब सुख करई॥

aur devata chitt n dharai|hanumat sei sarb sukh karai||

संकट कटै मिटै सब पीरा।जो सुमिरै हनुमत बलबीरा॥

sankat katai mitai sab pira|jo sumirai hanumat balabira||

जै जै जै हनुमान गोसाईं।कृपा करहु गुरुदेव की नाईं॥

jai jai jai hanuman gosain|krupa karahu gurudev ki nain||

जो सत बार पाठ कर कोई।छूटहि बंदि महा सुख होई॥

jo sat bar path kar koi|chhutahi bandi maha sukh hoi||

जो यह पढ़ै हनुमान चालीसा।होय सिद्धि साखी गौरीसा॥

jo yah padha़ai hanuman chalisa|hoy siddhi sakhi gaurisa||

तुलसीदास सदा हरि चेरा।कीजै नाथ हृदय महँ डेरा॥

tulasidas sada hari chera|kijai nath hruday mahan dera||

पवनतनय संकट हरन, मंगल मूरति रूप।राम लखन सीता सहित, हृदय बसहु सुर भूप॥

pavanatanay sankat haran, mangal murati rup|ram lakhan sita sahit, hruday basahu sur bhup||