संकटमोचन हनुमानाष्टक

बाल समय रवि भक्षि लियो तब। तीनहुं लोक भयो अंधियारो॥ताहि सों त्रास भयो जग को। यह संकट काहु सों जात न टारो॥देवन आनि करी बिनती तब। छाड़ि दियो रवि कष्ट निवारो॥को नहिं जानत है जग में कपि। संकटमोचन नाम तिहारो॥॥१॥

bal samay ravi bhakshi liyo tab| tinahun lok bhayo andhiyaro||tahi son tras bhayo jag ko| yah sankat kahu son jat n taro||devan aani kari binati tab| chhada़i diyo ravi kasht nivaro||ko nahin janat hai jag men kapi| sankatamochan nam tiharo||||1||

बालि की त्रास कपीस बसै गिरि। जात महाप्रभु पंथ निहारो॥चौंकि महामुनि साप दियो तब। चाहिए कौन बिचार बिचारो॥कै द्विज रूप लिवाय महाप्रभु। सो तुम दास के सोक निवारो॥को नहिं जानत है जग में कपि। संकटमोचन नाम तिहारो॥॥२॥

bali ki tras kapis basai giri| jat mahaprabhu panth niharo||chaunki mahamuni sap diyo tab| chahie kaun bichar bicharo||kai dvij rup livay mahaprabhu| so tum das ke sok nivaro||ko nahin janat hai jag men kapi| sankatamochan nam tiharo||||2||

अंगद के संग लेन गए सिय। खोज कपीस यह बैन उचारो॥जीवत ना बचिहौ हम सो जु। बिना सुधि लाए इहाँ पगु धारो॥हेरि थके तट सिंधु सबै तब। लाय सिया-सुधि प्राण उबारो॥को नहिं जानत है जग में कपि। संकटमोचन नाम तिहारो॥॥३॥

angad ke sang len gae siy| khoj kapis yah bain ucharo||jivat na bachihau ham so ju| bina sudhi lae ihan pagu dharo||heri thake tat sindhu sabai tab| lay siya-sudhi pran ubaro||ko nahin janat hai jag men kapi| sankatamochan nam tiharo||||3||

रावण त्रास दई सिय को सब। राक्षसी सों कहि सोक निवारो॥ताहि समय हनुमान महाप्रभु। जाय महा रजनीचर मारो॥चाहत सीय असोक सों आगि सु। दै प्रभु मुद्रिका सोक निवारो॥को नहिं जानत है जग में कपि। संकटमोचन नाम तिहारो॥॥४॥

ravan tras dai siy ko sab| rakshasi son kahi sok nivaro||tahi samay hanuman mahaprabhu| jay maha rajanichar maro||chahat siy asok son aagi su| dai prabhu mudrika sok nivaro||ko nahin janat hai jag men kapi| sankatamochan nam tiharo||||4||

बान लग्यो उर लछिमन के तब। प्राण तजे सुत रावन मारो॥लै गृह बैद्य सुषेन समेत। तबै गिरि द्रोण सु बीर उपारो॥आनि सजीवन हाथ दई तब। लछिमन के तुम प्रान उबारो॥को नहिं जानत है जग में कपि। संकटमोचन नाम तिहारो॥॥५॥

ban lagyo ur lachhiman ke tab| pran taje sut ravan maro||lai gruh baidy sushen samet| tabai giri dron su bir uparo||aani sajivan hath dai tab| lachhiman ke tum pran ubaro||ko nahin janat hai jag men kapi| sankatamochan nam tiharo||||5||

रावन जुद्ध अजान कियो तब। नाग कि फाँस सबै सिर डारो॥श्रीरघुनाथ समेत सबै दल। मोह भयो यह संकट भारो॥आनि खगेस तबै हनुमान जु। बंधन काटि सुत्रास निवारो॥को नहिं जानत है जग में कपि। संकटमोचन नाम तिहारो॥॥६॥

ravan juddh ajan kiyo tab| nag ki phans sabai sir daro||shriraghunath samet sabai dal| moh bhayo yah sankat bharo||aani khages tabai hanuman ju| bandhan kati sutras nivaro||ko nahin janat hai jag men kapi| sankatamochan nam tiharo||||6||

बंधु समेत जबै अहिरावन। लै रघुनाथ पाताल सिधारो॥देबिहिं पूजि भली विधि सों बलि। देउ सबै मिलि मंत्र बिचारो॥जाय सहाय भयो तब ही। अहिरावन सैन्य समेत संहारो॥को नहिं जानत है जग में कपि। संकटमोचन नाम तिहारो॥॥७॥

bandhu samet jabai ahiravan| lai raghunath patal sidharo||debihin puji bhali vidhi son bali| deu sabai mili mantr bicharo||jay sahay bhayo tab hi| ahiravan sainy samet sanharo||ko nahin janat hai jag men kapi| sankatamochan nam tiharo||||7||

काज किए बड़ देवन के तुम। बीर महाप्रभु देखि बिचारो॥कौन सो संकट मोर गरीब को। जो तुमसों नहिं जात है टारो॥बेगि हरो हनुमान महाप्रभु। जो कछु संकट होय हमारो॥को नहिं जानत है जग में कपि। संकटमोचन नाम तिहारो॥॥८॥

kaj kie bad़ devan ke tum| bir mahaprabhu dekhi bicharo||kaun so sankat mor garib ko| jo tumason nahin jat hai taro||begi haro hanuman mahaprabhu| jo kachhu sankat hoy hamaro||ko nahin janat hai jag men kapi| sankatamochan nam tiharo||||8||

लाल देह लाली लसे। अरु धरि लाल लंगूर॥बज्र देह दानव दलन। जय जय जय कपि सूर॥

lal deh lali lase| aru dhari lal langur||bajr deh danav dalan| jai jai jai kapi sur||