बजरंग बाण

निश्चय प्रेम प्रतीति ते, बिनय करैं सनमान।तेहि के कारज सकल शुभ, सिद्ध करैं हनुमान॥

nishchay prem pratiti te, binay karain sanaman|tehi ke karaj sakal shubh, siddh karain hanuman||

जय हनुमंत सन्त हितकारी।सुन लीजै प्रभु अरज हमारी॥

jai hanumant sant hitakari|sun lijai prabhu araj hamari||

जन के काज बिलंब न कीजै।आतुर दौरि महा सुख दीजै॥

jan ke kaj bilamb n kijai|aatur dauri maha sukh dijai||

जैसे कूदि सिंधु महिपारा।सुरसा बदन पैठि बिस्तारा॥

jaise kudi sindhu mahipara|surasa badan paithi bistara||

आगे जाय लंकिनी रोका।मारेहु लात गई सुरलोका॥

aage jay lankini roka|marehu lat gai suraloka||

जाय बिभीषन को सुख दीन्हा।सीता निरखि परमपद लीन्हा॥

jay bibhishan ko sukh dinha|sita nirakhi paramapad linha||

बाग उजारि सिंधु महँ बोरा।अति आतुर जमकातर तोरा॥

bag ujari sindhu mahan bora|ati aatur jamakatar tora||

अक्षय कुमार मारि संहारा।लूम लपेटि लंक को जारा॥

akshay kumar mari sanhara|lum lapeti lank ko jara||

लाह समान लंक जरि गई।जय जय धुनि सुरपुर महँ भई॥

lah saman lank jari gai|jai jai dhuni surapur mahan bhai||

अब बिलंब केहि कारन स्वामी।कृपा करहु उर अन्तरयामी॥

ab bilamb kehi karan svami|krupa karahu ur antarayami||

जय जय लखन प्राण के दाता।आतुर होय दुख हरहु निपाता॥

jai jai lakhan pran ke data|aatur hoy dukh harahu nipata||

जै हनुमान जयति बल-सागर।सुर-समूह-समरथ भट-नागर॥

jai hanuman jayati bala-sagar|sura-samuha-samarath bhata-nagar||

ॐ हनु हनु हनु हनुमंत हठीले।बैरिहि मारु बज्र की कीले॥

Om hanu hanu hanu hanumant hathile|bairihi maru bajr ki kile||

ॐ ह्रीं ह्रीं ह्रीं हनुमंत कपीसा।ॐ हुं हुं हुं हनु अरि उर सीसा॥

Om hrin hrin hrin hanumant kapisa|Om hun hun hun hanu ari ur sisa||

जय अंजनि कुमार बलवंता।शंकरसुवन बीर हनुमंता॥

jai anjani kumar balavanta|shankarasuvan bir hanumanta||

बदन कराल काल-कुल-घालक।राम सहाय सदा प्रतिपालक॥

badan karal kala-kula-ghalak|ram sahay sada pratipalak||

भूत, प्रेत, पिसाच निसाचर।अगिन बेताल काल मारी मर॥

bhut, pret, pisach nisachar|agin betal kal mari mar||

इन्हें मारु, तोहि सपथ राम की।राखु नाथ मरजाद नाम की॥

inhen maru, tohi sapath ram ki|rakhu nath marajad nam ki||

सत्य होहु हरि सपथ पाइ कै।राम दूत धरु मारु धाइ कै॥

saty hohu hari sapath pai kai|ram dut dharu maru dhai kai||

जय जय जय हनुमन्त अगाधा।दुःख पावत जन केहि अपराधा॥

jai jai jai hanumant agadha|duhkh pavat jan kehi aparadha||

पूजा जप तप नेम अचारा।नहिं जानत कछु दास तुम्हारा॥

puja jap tap nem achara|nahin janat kachhu das tumhara||

वन उपवन मग गिरि गृह माहीं।तुम्हरे बल हम डरपत नाहीं॥

van upavan mag giri gruh mahin|tumhare bal ham darapat nahin||

जनकसुता हरि दास कहावौ।ताकी सपथ बिलंब न लावौ॥

janakasuta hari das kahavau|taki sapath bilamb n lavau||

जै जै जै धुनि होत अकासा।सुमिरत होय दुसह दुख नासा॥

jai jai jai dhuni hot akasa|sumirat hoy dusah dukh nasa||

चरन पकरि, कर जोरि मनावौं।यहि औसर अब केहि गोहरावौं॥

charan pakari, kar jori manavaun|yahi ausar ab kehi goharavaun||

उठु, उठु, चलु, तोहि राम दुहाई।पायँ परौं, कर जोरि मनाई॥

uthu, uthu, chalu, tohi ram duhai|payan paraun, kar jori manai||

ॐ चं चं चं चं चपल चलंता।ॐ हनु हनु हनु हनु हनुमंता॥

Om chan chan chan chan chapal chalanta|Om hanu hanu hanu hanu hanumanta||

ॐ हं हं हाँक देत कपि चंचल।ॐ सं सं सहमि पराने खल-दल॥

Om han han hank det kapi chanchal|Om san san sahami parane khala-dal||

अपने जन को तुरत उबारौ।सुमिरत होय आनंद हमारौ॥

apane jan ko turat ubarau|sumirat hoy aanand hamarau||

यह बजरंग-बाण जेहि मारै।ताहि कहौ फिरि कवन उबारै॥

yah bajaranga-ban jehi marai|tahi kahau phiri kavan ubarai||

पाठ करै बजरंग-बाण की।हनुमत रक्षा करै प्रान की॥

path karai bajaranga-ban ki|hanumat raksha karai pran ki||

यह बजरंग बाण जो जापैं।तासों भूत-प्रेत सब कांपै॥

yah bajarang ban jo japain|tason bhuta-pret sab kampai||

धूप देय जो जपै हमेसा।ताके तन नहिं रहै कलेसा॥

dhup dey jo japai hamesa|take tan nahin rahai kalesa||

प्रेम प्रतीतिहिं कपि भजै, सदा धरैं उर ध्यान।तेहि के कारज सकल शुभ, सिद्ध करैं हनुमान॥

prem pratitihin kapi bhajai, sada dharain ur dhyan|tehi ke karaj sakal shubh, siddh karain hanuman||