श्री गजानन महाराज बावन्नी

जय जय सद्गुरू गजानना ।रक्षक तुची भक्तजना ॥१॥

jay jay sadguru gajanana |rakshak tuchi bhaktajana ||1||

निर्गुण तू परमात्मा तू ।सगुण रूपात गजानन तू ॥२॥

nirgun tu paramatma tu |sagun rupat gajanan tu ||2||

सदेह तू परि विदेह तू ।देह असूनि देहातीत तू ॥३॥

sadeh tu pari videh tu |deh asuni dehatit tu ||3||

माघ वद्य सप्तमी दिनी ।शेगांवात प्रगटोनी ॥४॥

magh vadya saptami dini |sheganvat pragatoni ||4||

उष्ट्या पत्रावळी निमित्त ।विदेहत्व तव हो प्रगट ॥५॥

ushtya patravali nimitta |videhatva tav ho pragat ||5||

बंकटलालावरी तुझी ।कृपा जाहली ती साची ॥६॥

bankatalalavari tujhi |krupa jahali ti sachi ||6||

गोसाव्याच्या नवसासाठी ।गांजा घेसी लावुनी ओठी ॥७॥

gosavyachya navasasathi |ganja ghesi lavuni othi ||7||

तव पदतीर्थें वाचविला ।जानराव तो भक्त भला ॥८॥

tav padatirthen vachavila |janarav to bhakta bhala ||8||

जानकीरामा चिंचवणे ।नासवुनी स्वरूपी आणणे ॥९॥

janakirama chinchavane |nasavuni svarupi anane ||9||

मुकिन चंदुचे कानवले ।खाऊनि कृतार्थ त्या केले ॥१०॥

mukin chanduche kanavale |khauni krutarth tya kele ||10||

विहिरीमाजी जलविहिना ।केले देवा जलभरणा ॥११॥

vihirimaji jalavihina |kele deva jalabharana ||11||

मधमाश्यांचे डंख तुवा ।सहन सुखे केले देवा ॥१२॥

madhamashyanche dankh tuva |sahan sukhe kele deva ||12||

त्यांचे काटे योगबले ।काढुनि सहजी दाखविले ॥१३॥

tyanche kate yogabale |kadhuni sahaji dakhavile ||13||

कुस्ती हरिशी खेळोनी ।शक्ती दर्शन घडवोनी ॥१४॥

kusti harishi khelooni |shakti darshan ghadavoni ||14||

वेद म्हणुनी दाखविला ।चकित द्रविड ब्राम्हण झाला ॥१५॥

ved mhanuni dakhavila |chakit dravid bramhan jhala ||15||

जळत्या पर्यकावरती ।ब्रम्हगिरीला ये प्रचिती ॥१६॥

jalatya paryakavarati |bramhagirila ye prachiti ||16||

टाकळीकर हरिदासाचा ।अश्व शांत केला साचा ॥१७॥

takalikar haridasacha |ashva shant kela sacha ||17||

बाळकृष्ण बाळापूरचा ।समर्थ भक्तचि जो होता ॥१८॥

balakrushna balapuracha |samarth bhaktachi jo hota ||18||

रामदासरूपे त्याला ।दर्शन देवुनि तोषविला ॥१९॥

ramadasarupe tyala |darshan devuni toshavila ||19||

सुकलालाची गोमाता ।व्दाड बहू होती ताता ॥२०॥

sukalalachi gomata |vdad bahu hoti tata ||20||

कृपा तुझी होतांच क्षणी ।शांत जाहली ती जननी ॥२१॥

krupa tujhi hotanch kshani |shant jahali ti janani ||21||

घुडे लक्ष्मण शेगांवी ।येता व्याधी तूं निरवी ॥२२॥

ghude lakshman shegamvi |yeta vyadhi tun niravi ||22||

दांभिकता परि ती त्याची ।तू न चालवूनि घे साची ॥२३॥

dambhikata pari ti tyachi |tu na chalavuni ghe sachi ||23||

भास्कर पाटील तव भक्त ।उध्दरिलासी तू त्वरीत ॥२४॥

bhaskar patil tav bhakta |uddharilasi tu tvarit ||24||

आज्ञा तव शिरसा वंद्य ।काकहि मानित तुज वंद्य ॥२५॥

ajna tav shirasa vandya |kakahi manit tuj vandya ||25||

विहिरीमाजी रक्षियला ।देवां तु गणु जव-याला ॥२६॥

vihirimaji rakshiyala |devan tu ganu java-yala ||26||

पितांबराकरवी लीला ।वठला आंबा पल्लविला ॥२७॥

pitambarakaravi lila |vathala amba pallavila ||27||

सुबुध्दी देशी जोश्याला ।माफ करी तो दंडाला ॥२८॥

subuddhi deshi joshyala |maf kari to dandala ||28||

सवड्द येथील गंगाभारती ।थुकुंनी वारिली रक्तपिती ॥२९॥

savadda yethil gangabharati |thukunni varili raktapiti ||29||

पुंडलिकांचे गंडांतर ।निष्ठा जाणुनि केले दुर ॥३०॥

pundalikanche gandantar |nishtha januni kele dur ||30||

ओंकारेश्वरी फुटली नौका ।तारी नर्मदा क्षणात एका ॥३१॥

omkareshvari phutali nauka |tari narmada kshanat eka ||31||

माधवनाथा समवेत ।केले भोजन अुच्छिष्ट ॥३२॥

madhavanatha samavet |kele bhojan uchchhishta ||32||

लोकमान्य त्या टिळकांना ।प्रसाद तूंची पाठविला ॥३३॥

lokamanya tya tilakanna |prasad tunchi pathavila ||33||

कवर सुताची कांदा भाकर ।भक्षिलीस त्वा प्रेमाखातर ॥३४॥

kavar sutachi kanda bhakar |bhakshilis tva premakhatar ||34||

नग्न बैसुनी गाडीत ।लिला दाविली विपरीत ॥३५॥

nagna baisuni gadit |lila davili viparit ||35||

बायदे चित्ती तव भक्ती ।पुंडलिकावर विरक्त प्रीती ॥३६॥

bayade chitti tav bhakti |pundalikavar virakta priti ||36||

बापुना मनी विठ्ठल भक्ती ।स्वये होशि तू विठ्ठल मूर्ती ॥३७॥

bapuna mani vitthal bhakti |svaye hoshi tu vitthal murti ||37||

कवठ्याचा त्या वारक-याला ।मरीपासूनी वाचविला ॥३८॥

kavathyacha tya varaka-yala |maripasuni vachavila ||38||

वासुदेव यति तुज भेटे ।प्रेमाची ती खुण पटे ॥३९॥

vasudev yati tuj bhete |premachi ti khun pate ||39||

उध्दट झाला हवालदार ।भस्मिभूत झाले घरदार ॥४०॥

uddhat jhala havaladar |bhasmibhut jhale gharadar ||40||

देहांताच्या नंतरही ।कितीजणा अनुभव येई ॥४१॥

dehantachya nantarahi |kitijana anubhav yei ||41||

पडत्या मजुरा झेलियले ।बघती जन आश्चर्य भले ॥४२॥

padatya majura jheliyale |baghati jan ashcharya bhale ||42||

अंगावरती खांब पडे ।स्त्री वांचे आश्चर्य घडे ॥४३॥

angavarati khamb pade |stri vanche ashcharya ghade ||43||

गजाननाच्या अद्भत लीला ।अनुभव येती आज मितीला ॥४४॥

gajananachya adbhat lila |anubhav yeti aj mitila ||44||

शरण जाऊनी गजानना ।दुःख तयाते करि कथाना ॥४५॥

sharan jauni gajanana |duhkha tayate kari kathana ||45||

कृपा करि तो भक्तांसी ।धावुनी येते वेगेसी ॥४६॥

krupa kari to bhaktansi |dhavuni yete vegesi ||46||

गजाननाची बावन्नी ।नित्य असावी ध्यानीमनी ॥४७॥

gajananachi bavanni |nitya asavi dhyanimani ||47||

बावन्न गुरूवारी नेमे ।करा पाठ बहू भक्तीने ॥४८॥

bavanna guruvari neme |kara path bahu bhaktine ||48||

विघ्ने सारी पळती दूर ।सर्वसुखाचा येई पुर ॥४९॥

vighne sari palati dur |sarvasukhacha yei pur ||49||

चिंता साऱ्या दुर करी ।संकटातूनी पार करी ॥५०॥

chinta sarya dur kari |sankatatuni par kari ||50||

सदाचार रत सद् भक्ता ।फळ लाभे बघता बघता ॥५१॥

sadachar rat sad bhakta |phal labhe baghata baghata ||51||

भक्त बोले जय बोला ।गजाननाची जय बोला ॥५२॥

bhakta bole jay bola |gajananachi jay bola ||52||