शिव ताण्डव स्तोत्रम्

जटाटवीगलज्जलप्रवाहपावितस्थलेगलेऽवलम्ब्य लम्बितां भुजङ्गतुङ्गमालिकाम्।डमड्डमड्डमड्डमन्निनादवड्डमर्वयंचकार चण्डताण्डवं तनोतु नः शिवः शिवम्॥१॥

jatatavigalajjalapravahapavitasthalegale'valamby lambitan bhujangatungamalikam|damaddamaddamaddamanninadavaddamarvayanchakar chandatandavan tanotu nah shivah shivam||1||

जटाकटाहसम्भ्रमभ्रमन्निलिम्पनिर्झरी-विलोलवीचिवल्लरीविराजमानमूर्धनि।धगद्धगद्धगज्ज्वलल्ललाटपट्टपावकेकिशोरचन्द्रशेखरे रतिः प्रतिक्षणं मम॥२॥

jatakatahasambhramabhramannilimpanirjhari-vilolavichivallarivirajamanamurdhani|dhagaddhagaddhagajjvalallalatapattapavakekishorachandrashekhare ratih pratikshanan mam||2||

धराधरेन्द्रनन्दिनीविलासबन्धुबन्धुर-स्फुरद्दिगन्तसन्ततिप्रमोदमानमानसे।कृपाकटाक्षधोरणीनिरुद्धदुर्धरापदिक्वचिद्दिगम्बरे मनो विनोदमेतु वस्तुनि॥३॥

dharadharendranandinivilasabandhubandhur-sphuraddigantasantatipramodamanamanase|krupakatakshadhoraniniruddhadurdharapadikvachiddigambare mano vinodametu vastuni||3||

जटाभुजङ्गपिङ्गलस्फुरत्फणामणिप्रभा-कदम्बकुङ्कुमद्रवप्रलिप्तदिग्वधूमुखे।मदान्धसिन्धुरस्फुरत्त्वगुत्तरीयमेदुरेमनो विनोदमद्भुतं बिभर्तु भूतभर्तरि॥४॥

jatabhujangapingalasphuratphanamaniprabha-kadambakunkumadravapraliptadigvadhumukhe|madandhasindhurasphurattvaguttariyameduremano vinodamadbhutan bibhartu bhutabhartari||4||

सहस्रलोचनप्रभृत्यशेषलेखशेखर-प्रसूनधूलिधोरणी विधूसराङ्घ्रिपीठभूः।भुजङ्गराजमालया निबद्धजाटजूटकःश्रियै चिराय जायतां चकोरबन्धुशेखरः॥५॥

sahasralochanaprabhrutyasheshalekhashekhar-prasunadhulidhorani vidhusaranghripithabhuh|bhujangarajamalaya nibaddhajatajutakahshriyai chiray jayatan chakorabandhushekharah||5||

ललाटचत्वरज्वलद्धनञ्जयस्फुलिङ्गभा-निपीतपञ्चसायकं नमन्निलिम्पनायकम्।सुधामयूखलेखया विराजमानशेखरंमहाकपालिसम्पदेशिरोजटालमस्तु नः॥६॥

lalatachatvarajvaladdhananjayasphulingabha-nipitapanchasayakan namannilimpanayakam|sudhamayukhalekhaya virajamanashekharanmahakapalisampadeshirojatalamastu nah||6||

करालभालपट्टिकाधगद्धगद्धगज्ज्वल-द्धनञ्जयाहुतीकृतप्रचण्डपञ्चसायके।धराधरेन्द्रनन्दिनीकुचाग्रचित्रपत्रक-प्रकल्पनैकशिल्पिनि त्रिलोचने रतिर्मम॥७॥

karalabhalapattikadhagaddhagaddhagajjval-ddhananjayahutikrutaprachandapanchasayake|dharadharendranandinikuchagrachitrapatrak-prakalpanaikashilpini trilochane ratirmam||7||

नवीनमेघमण्डली निरुद्धदुर्धरस्फुरत्-कुहूनिशीथिनीतमः प्रबन्धबद्धकन्धरः।निलिम्पनिर्झरीधरस्तनोतु कृत्तिसिन्धुरःकलानिधानबन्धुरः श्रियं जगद्धुरन्धरः॥८॥

navinameghamandali niruddhadurdharasphurat-kuhunishithinitamah prabandhabaddhakandharah|nilimpanirjharidharastanotu kruttisindhurahkalanidhanabandhurah shriyan jagaddhurandharah||8||

प्रफुल्लनीलपङ्कजप्रपञ्चकालिमप्रभा-वलम्बिकण्ठकन्दलीरुचिप्रबद्धकन्धरम्।स्मरच्छिदं पुरच्छिदं भवच्छिदं मखच्छिदंगजच्छिदान्धकच्छिदं तमन्तकच्छिदं भजे॥९॥

praphullanilapankajaprapanchakalimaprabha-valambikanthakandaliruchiprabaddhakandharam|smarachchhidan purachchhidan bhavachchhidan makhachchhidangajachchhidandhakachchhidan tamantakachchhidan bhaje||9||

अखर्वसर्वमङ्गलाकलाकदम्बमञ्जरी-रसप्रवाहमाधुरीविजृम्भणामधुव्रतम्।स्मरान्तकं पुरान्तकं भवान्तकं मखान्तकंगजान्तकान्धकान्तकं तमन्तकान्तकं भजे॥१०॥

akharvasarvamangalakalakadambamanjari-rasapravahamadhurivijrumbhanamadhuvratam|smarantakan purantakan bhavantakan makhantakangajantakandhakantakan tamantakantakan bhaje||10||

जयत्वदभ्रविभ्रमभ्रमद्भुजङ्गमश्वस-द्विनिर्गमत्क्रमस्फुरत्करालभालहव्यवाट्।धिमिद्धिमिद्धिमिध्वनन्मृदङ्गतुङ्गमङ्गल-ध्वनिक्रमप्रवर्तितप्रचण्डताण्डवः शिवः॥११॥

jayatvadabhravibhramabhramadbhujangamashvas-dvinirgamatkramasphuratkaralabhalahavyavat|dhimiddhimiddhimidhvananmrudangatungamangal-dhvanikramapravartitaprachandatandavah shivah||11||

दृषद्विचित्रतल्पयोर्भुजङ्गमौक्तिकस्रजोर्-गरिष्ठरत्नलोष्ठयोः सुहृद्विपक्षपक्षयोः।तृष्णारविन्दचक्षुषोः प्रजामहीमहेन्द्रयोःसमं प्रवर्तयन्मनः कदा सदाशिवं भजे॥१२॥

drushadvichitratalpayorbhujangamauktikasrajor-garishtharatnaloshthayoh suhrudvipakshapakshayoh|trushnaravindachakshushoh prajamahimahendrayohsaman pravartayanmanah kada sadashivan bhaje||12||

कदा निलिम्पनिर्झरीनिकुञ्जकोटरे वसन्विमुक्तदुर्मतिः सदा शिरःस्थमञ्जलिं वहन्।विमुक्तलोललोचनो ललामभाललग्नकःशिवेति मन्त्रमुच्चरन् कदा सुखी भवाम्यहम्॥१३॥

kada nilimpanirjharinikunjakotare vasanvimuktadurmatih sada shirahsthamanjalin vahan|vimuktalolalochano lalamabhalalagnakahshiveti mantramuchcharan kada sukhi bhavamyaham||13||

इदम् हि नित्यमेवमुक्तमुत्तमोत्तमं स्तवंपठन्स्मरन्ब्रुवन्नरो विशुद्धिमेति सन्ततम्।हरे गुरौ सुभक्तिमाशु याति नान्यथा गतिंविमोहनं हि देहिनां सुशङ्करस्य चिन्तनम्॥१४॥

idam hi nityamevamuktamuttamottaman stavanpathansmaranbruvannaro vishuddhimeti santatam|hare gurau subhaktimashu yati nanyatha gatinvimohanan hi dehinan sushankarasy chintanam||14||

पूजावसानसमये दशवक्त्रगीतंयः शम्भुपूजनपरं पठति प्रदोषे।तस्य स्थिरां रथगजेन्द्रतुरङ्गयुक्तांलक्ष्मीं सदैव सुमुखीं प्रददाति शम्भुः॥१५॥

pujavasanasamaye dashavaktragitanyah shambhupujanaparan pathati pradoshe|tasy sthiran rathagajendraturangayuktanlakshmin sadaiv sumukhin pradadati shambhuh||15||